李泳豪帶台灣女友陪媽咪飲茶　網民：唔通好事近？

藝人李家鼎細仔李泳豪早前終於走出舊愛楊思琦的陰霾，守得雲開撻着來自台灣嘅女友Agnes，有指女友賢良淑德，火速融入家中，獲李家上下讚不絕口。

而昨日母親節，李泳豪就帶埋女友，與媽媽施明飲茶慶祝，更首度喺社交網放閃，大晒三人合照，見佢哋一左一右傍實施明，Agnes更翹實「未來奶奶」手臂，行「奶奶政策」。唔少網友都大讚溫馨，仲話今次咁高調晒「一家三口」照，唔通好事近隨時拉埋天窗，變真正嘅一家人？