陳欣妍玩跑步機搞到斷「筋」　網民睇錯嚇親

夏天殺到埋身，不論男女想趁機會晒吓靚身形，就要把握時間做多啲運動。好似藝人陳欣妍咁，佢喺跑步機出盡力跑，除咗面紅紅之外，仲搞到成身濕晒，啲汗水滴晒落部跑步機度，雖然索晒氣好似好辛苦，佢都冇忘記一班粉絲，專登晒V賣萌冧吓大家，佢留言話：「跑跑吓橡筋斷咗，今日爆汗成功，我出去工作啦。」運動完先至去開工佢真係夠晒勤力，不過有網民睇錯佢嘅留言，將「斷橡筋」睇成「斷筋」，話第一眼望見真係嚇餐飽，睇清楚就真係得啖笑！