影靚條線有辦法！李元玲親身示範最佳姿勢

馬來西亞鋼琴女神李元玲曾經因為網絡欺凌一度輕生，好彩最後冇事！沉寂一段時間近期再次活躍社交網，呢日佢上載坐喺地下嘅自拍照，除咗上面嘅事業線好突出之外，連下面條馬甲線都非常明顯，佢留言：「顯線條的拍照姿勢，學起來。」好多網民留言大讚女神火辣，仲話要試吓女神教嘅方法去影靚相，不過有網民睇得通透表示：「首先你要有條線！」

而之後佢再晒出喺健身室嘅相片，唔知係咪受到之前網絡欺凌嘅影響，佢好似好怕得罪人，留言話：「過關嗎這張？沒有冒犯到誰？」唔少粉絲都戥佢慘，紛紛留言叫佢唔好理其他人，開開心心做自己最重要。