女網友失戀聽到佢嘅歌就想嘔!李榮浩神回上熱搜

20210511
東網電視
更多新聞短片
內地歌手李榮浩自老婆楊丞琳返番台灣後,兩口子又要過「分飛燕」嘅生活。李榮浩向來好緊貼社交網動向,加上老婆唔喺身邊,就日日Mon住社交網打發時間。咁啱就畀佢喺社交網睇到有女網友貼文寫:「被前男友禍害得聽到李榮浩就想吐!」原來該網友嘅前度係李榮浩粉絲,所以話一聽到李榮浩嘅歌就想嘔!
估唔到李榮浩睇到呢個Post後,就留言:「别這樣,不關我的事呀!」佢一出Post,旋即登上熱搜榜,好多人都話佢答得好幽默,簡直就係神回,仲叫佢應該唱多啲歌,令個失戀女網友都鍾意埋佢,咁就唔會嘔啦!