楊冪玩遊戲連番讀錯字　網民質疑學歷真偽！

內地女星楊冪有樣貌有身材，除咗呢啲，其實佢仲有高學歷，當年考入北京電影學院嘅分數，比起後起之秀周冬雨高出一倍有多，但係之前玩遊戲時連番讀錯字，令唔少網民質疑佢嘅學歷真偽！

楊冪日前喺直播中玩文字遊戲，其中一題必須將「麻辣湯、斑馬和哭唧唧」三個詞組成一個句子，估唔到佢讀到哭唧唧時，竟然讀成「哭卿卿」，之後造句時再次讀錯，連續兩次都錯，好明顯佢唔係大意失手，而係真唔識讀。

影片流出後令唔少網民大跌眼鏡，因為佢求學時期嘅成績一向都係名列前芧，當年以583分獲北京電影學院錄取，成為文化課嘅第一名，同其他明星比，好似周冬雨嘅286分、楊紫嘅400分等，真係拋離成條街。網民除咗質疑佢嘅學歷之外仲翻舊帳，爆佢試過將「莘莘學子」及「腳踝」等讀錯，仲叫佢除咗睇劇本，有時間都要睇多兩本書！

而楊冪嘅粉絲亦有代為解釋，指「哭卿卿」呢啲係網絡用語，係年輕人用嚟表達萌、好玩嘅意思，讀錯其實都唔係奇事！