許廷鏗公審欣宜係「文盲」　手寫外賣單曝光

歌手許廷鏗（Alfred）同鄭欣宜（Joyce）私下極之老友，佢哋仲會自稱「異父異母低能巨孖寶」，總之一有佢哋兩個同場，就必有笑料！日前Alfred喺限時動態出Post嘲對方是「文盲」，事關喺加拿大出世兼長大嘅Joyce一直都喺當地讀書，用開英文書寫嘅佢就連好友Alfred個中文名都唔識寫，3隻字係冇1隻字寫啱，「許」字一棟寫穿咗出頭、「廷」字又寫咗做「廳」、至於「鏗」字可能筆畫太深，Joyce直頭創意十足玩造字，難怪被對方「公審」，認真爆笑！

而睇真啲張紙，佢哋應該係叫緊外賣，因為張紙上面除咗有「許廷鏗」個名之外，仲有另一堆「造字」，估計應該就係冬蔭功湯、豬頸肉、叉雞同海南雞飯，眾望所歸大部分嘅字都係寫錯，Alfred超抵死以Joyce嘅認識中文程度，用「英文」留言：「I’m 蘇拋鑊腰！」