睇落簡單！胡定欣玩瑜伽輪顯示驚人柔韌度

視后胡定欣喺內地拍完無綫新劇《白色強人II》返港後，日日都操弗自己，希望以最佳狀態迎接嚟緊嘅工作。定欣之前喪做Gym，操得一身肌肉同馬甲線，近年再將自己昇華玩瑜伽，身體柔韌度更強。佢就喺社交網大晒玩瑜伽輪嘅相，睇落簡單瞓喺瑜伽輪嘅動作，但要做到完全伸展一啲都唔容易！唔少網民都話佢身體操到好柔軟，仲話佢可以練埋縮骨功，縮埋入個瑜伽輪入面，咁就真係世界級喇！