生3個太少！張栢芝唔敢答單身：我願意再結婚

藝人張栢芝近日喺大陸綜藝節目《讓生活好看》第二季中，展示咗好多唔同一面畀大家睇，不過觀眾最想知嘅都係佢嘅感情狀況，當中Marcus神秘父親身份仍未曝光，今次喺節目嘅預告片中，栢芝終於都開口透露感情世界。

預告中，張馨予當面詢問栢芝依家有冇交往對象？佢一聽突然呆晒，跟住露出笑容說：「我要向你表白？你也太直接了吧！」更嚇到連忙伸手抹額頭：「汗都冒出來，特別熱…」張馨予乘勝追擊再問佢有冇諗過再結婚？栢芝就答：「當然！那男人如果愛到我很想要跟我結婚，他很需要我的話，我願意。那如果那個男的想跟我結婚的話，我當然想要再生小孩，我覺得3個太少了。」

其實栢芝近日決定偕3名兒子Lucas、Quintus及Marcus長居上海，當中大仔Lucas就被陸媒影到上海返放學，Quintus就被拍得喺上海睇醫生，更有傳今次移居是Marcus神秘父親安排。