江嘉敏學小提琴自言難聽　最想同阿妹玩二重奏

藝人江嘉敏近年專注電視劇演出，得無綫力捧的她劇接劇，原來她除了演得，仲識得玩音樂，據知自細已學鋼琴的她，12歲已達演奏級，她仲識得拉二胡、打鼓，最近她在社交網上載拉小提琴照，她留言：「多謝媽咪以前將自己扮靚嘅錢畀我嚟學鋼琴，所以我今日學小提琴慳番好多學睇琴譜嘅時間。一直都好想學小提琴，我好鍾意小提琴凄美嘅聲音。」

她又多謝琴行幫她圓夢，揚言會努力練琴。她笑言好彩第一堂都唔算拉得太難聽，冇嚇走阿Sir，並希望有一日可以拍片放上平台畀大家聽，她更希望阿妹勤力練鋼琴，咁樣兩姊妹就可以玩duet（二重奏）。