【1條心】黃翠如晒7條Queen手鏈　網民：買鏈買到窮

圈中有唔少藝人屋企都一屋女人，好似黃心穎咁一門四美，而佢係孻女，不過都唔夠黃翠如犀利，一家5條Queen，父母生咗佢哋5個女，就連翠如姨甥都係女仔，即係小小一個家庭已經有7個女人！

而今日，佢就上載咗張三代人7隻手嘅相，留言：「一個媽媽，五個女，一個孫女。三代。願我們平安健康。」除咗佢姨甥女外，眾人都戴上相似嘅珍珠手鏈，7個人1條心，溫馨非常！唔少網民都話好有愛，一家人齊齊整整最重要同幸福，亦有人笑言「買鏈買到窮」，再添新成員的話會唔會都係女性咁話！