《姊妹淘》晒名牌手袋！傅嘉莉46萬包包撼贏莊思敏

由莊思敏、張寶兒同傅嘉莉主持嘅節目《姊妹淘》，日前一集主題為「手袋的故事」，三位拎出私伙手袋大晒冷，當日佢哋拎嚟嘅手袋起碼過百萬！

莊思敏同張寶兒都係富家女，兩人同樣鍾意Casual款式，選擇都好大路，佢哋話：「最緊要易襯！」莊思敏拎去嘅手袋都唔係特別版，加埋大約36萬左右，而張寶兒同樣鍾意普通款，加埋大約40萬左右。

就咁睇以為莊思敏、張寶兒已經好豪，原來傅嘉莉先係大Boss！傅嘉莉晒咗3個手袋，其中2個非常特別，一隻係鴕鳥皮，一隻togo皮拼鱷魚皮，2隻炒價加埋約46萬！佢又話因為自己英文名叫Kelly，所以買咗同樣叫「Kelly」款嘅手袋！另外，佢又晒咗另一品牌嘅特別版手袋，睇嚟傅嘉莉專攻有升值潛力嘅手袋，非常有眼光！