古天樂驚喜撐MIRROR　森美踩場搵「女婿安」

人氣男團MIRROR今晚在九展舉行一連6場演唱會的尾場演出，獲影帝古天樂、鄭欣宜、森美、小儀、楊偲泳、梁祖堯、余迪偉及一眾ViuTV藝人包括沈殷怡、黃奕晨、強尼等人到場支持，其中演唱會稀客古天樂到場時，引起全場尖叫，坐第一排的他更來者不拒與粉絲影相，更會揸機自拍！

森美受訪時，透露是代表15歲的女兒前來：「個女想嚟，都想帶佢嚟，但無奈嚟唔到，得1張飛。（做咩唔讓張飛畀個女睇？）本身計劃我睇一半，個女睇一半，但都係唔好，都尊重個Show睇晒。」他又謂因女兒喜歡Edan（呂爵安），故代表女兒帶了對方的應援牌來，又笑言女兒與小儀品味一樣，都是喜歡Edan，他笑言：「都唔明白身邊咁多女人都鍾意佢，陣間見到佢要叫聲『女婿安』。」講到他為無綫拍下不少節目，如《開心大綜藝》，問到有否覺得倒戈支持ViuTV？他說：「唔會咁諗，音樂無分疆界。」