難得「黑」一次　菊梓喬為愛作戰

歌手菊梓喬有「劇歌女王」之稱，她的新歌《秘密花園》是熱播劇《逆天奇案》片尾曲，Hana以一身黑衣女戰士造型拍攝MV，被粉絲大讚型到爆，穿上Bra Top上衣的她說：「唔係好性感啫，黐晒膠紙，套衫係造型師幫我整嘅。」

歌曲她有份填詞，她形容有一種戰鬥格：「好似Fighter咁，為愛而去作戰嘅感覺。（喺愛情方面都抱戰鬥格？）梗係唔係啦，我呢啲弱者，成日畀人蝦就有我份。（你填詞係咪想自我鼓勵？）就算發生咩事，曾經受過幾多挫折，都要相信愛嘅存在，愛一定會喺前面等着你，勇敢啲堅強啲去fighting。」

鍾情黑色衫的她，私底下經常着黑色衫，但幕前就很少着，今次也是第一次着全黑衫拍MV，她說：「今次個造型我真係幾鍾意。」