終於成團！方詩揚孖陳詩欣鍾晴「旅行」傾天光

藝人方詩揚、陳詩欣、鍾晴、陳約臨4位閨蜜最近終「成團」在港Staycation，齊齊在酒店好好享受兩日一夜，方詩揚表示：「今次真係約好耐先夾到時間，所以大家都好期待。雖然只係得一日時間，但過得好充實，食咗好多餐、又去咗泳池玩，同埋今次係我哋4個第一次一齊住，所以好多女仔嘢傾，傾傾吓天光，大家去食早餐真係攰到傻咗，仲攰過返工。」

4人最近在社交網也會以「#KKVE」作為hashtag，她說：「KKVE係用我哋4個名串成嘅，我哋本身已經好friend，今次Staycation之後關係更加升呢。我哋講咗好耐話一齊去旅行，但到依家都未去到，今次算第一次試驗旅行感覺，真係好好玩。」