喪睇書增值！李佳芯發表「傻瓜哲學」再衝擊視后

視后李佳芯（Ali）之前被「雪藏」，但近日獲無綫「放生」被委以重任，為4月收費台5周年台慶打響頭炮，播出由她擔大旗的新劇《智能愛人》，有望再衝擊視后寶座。而Ali亦不斷增值自己，唔想被人話佢係「港版楊冪」，就連玩遊戲都讀錯字！佢就喺社交網晒出喺一間書店搵書嘅相，並留言：「真想把所有書籍都吃進腦袋，化作養分。恰巧友人設計的衣服把我融入其中了，一横一豎，描出內心的渴望並默默與時間競賽。夢再遠，願我們永遠是傻瓜，一直追趕！」而佢筆下呢套「傻瓜哲學」，唔少網民都話佢一啲都唔傻瓜，希望佢可以繼續升呢，勇闖多幾次視后！