楊茜堯冇影？楊卓娜愛女12歲生日　清秀可愛勁搶鏡

藝人楊卓娜與圈外老公育有一女，加上兩個繼女一家五口非常幸福溫馨！尋日係阿女Jasmine 12歲生日，佢就為愛女搞咗個生日Party，一家人齊齊整整外，Jasmine一班朋友仔都有到場，不過就唔見楊卓娜阿妹楊茜堯及妹夫羅子溢一家！

一向甚少公開家庭照嘅楊卓娜喺社交網上載多張相片及留言：「一眨眼，我的小公主已經12歲啦！?時間真係太快！剛巧遇上最忙碌的日子，即使不睡覺，也很想親手為Jasmine做一個12歲的生日蛋糕！」網民都大讚佢係超能媽媽，當然唔少得將焦點放喺壽星女身上啦，12歲嘅Jasmine盡得父母優良基因，愈大愈靚，非常清秀，笑容仲好燦爛，人仔細細已經係美人胚子呀！