夫妻檔客串電影！鍾舒祺感激老公不離不棄

歌手鍾舒祺（Sukie）近日踩入影壇，客串新片《遺愛》，更獻唱主題曲《Dream All Dreams》，除了為支持新導演外，更大原因是她被片中母女情感動。她日前拍攝MV，感性剖白對親情的重視：「我喺屋企嘅角色係長期講笑，令到屋企嘅氛圍好輕鬆，希望父母會感受到我點樣投入屋企。屋企人從來都係最緊要，雖然自己唔係好識表達心入面嘅愛，唔係一個隨便講得出『我愛你』、『我掛住你』嘅人，不過我學習緊以行動去表達自己，會成日逼自己去做呢啲肉麻嘢，但有時講完『我愛你』自己都會打冷震。」

錄音前，Sukie特別去了解電影中角色的動人故事，她表示：「我相信每個年輕人都會有自己夢想，尤其每個女仔都會期盼未來，追尋幸福，不過現實環境可能令佢哋被迫放棄，好似電影入面陳漢娜同陶禧玲兩個角色咁，本性善良，愛旁人多過愛自己，好彩電影入面有個大哥哥守護住佢哋。」她就笑言現實生活中多得老公一直在身邊不離不棄：「今次更孖住客串呢部電影，佢又喺我MV伴奏，完全係形影不離！」