黃建東做經理人Check實媽咪:擔心佢未紅先驕!

2021年05月12日 22:39
東網電視
更多新聞短片
黃建東近日經常要同媽咪一齊工作。
藝人黃建東最近跟媽媽黃葉慧茵作客無綫節目《日日媽媽聲》,他指近日跟母親常常一起工作,令感情變得更加深厚:「自從同媽咪一齊上《流行經典50年》之後,多咗好多一齊做嘢嘅機會。以前佢可能唔太明白藝人嘅工作情況,點解拍攝會拍咁耐,依家佢一齊拍一齊等就會好明白我。」他還特地在節目裏自彈自唱《小天使》送給媽媽,象徵媽媽就像小天使一直守護着他,很多觀眾看完大叫感動,而黃媽媽亦聽到眼濕濕。
他還指最近有廣告商找黃媽媽拍廣告,令他要經理人照顧對方:「從未試過喺拍攝現場無需要化妝整頭埋位,只係全程睇住阿媽。」他笑謂自己的經理人佣金好高,叫媽咪要識做,更呼籲廣告商下次要找他一齊拍,因為驚媽媽會未紅先驕。對於網民提議叫黃媽媽拍劇,跟與她撞樣的龔嘉欣飾演母女,他謂如果角色不用太多演技以及對白應該可以,他怕媽咪NG太多阻礙大家收工。