挑戰阿佘!謝嘉怡極速讀對白 冇人聽得明

2021年05月12日 23:31
東網電視
更多新聞短片
無綫節目《好聲好戲》進入第二回合,參賽者謝嘉怡、黃翠如、鄧智堅、張振朗進行自選聲演階段。演戲聲線一直受到批評的黃翠如挑選了配苑瓊丹《皆大歡喜》中的一幕,翠如以獨門的「卡通聲」演繹,表現投入,最後7位評判一致給予合格,令她喜出望外感動得眼濕濕,要用紙巾抺眼淚,她說:「我把聲一向畀人鬧,第一次畀人讚,有啲估唔到。我成日畀人抨擊把聲,自己諗不如畀個啞嘅角色我演好過,所以...多謝。」汪明荃大讚翠如表現好放,但略嫌聲線有點卡通,李家鼎則笑說:「唔好做演員喇,去配音好過,做演員麻麻!」
不懂中文的謝嘉怡靠英文拼音死記對白,更挑戰高難度,演繹佘詩曼《公主嫁到》一幕語速極快的場口,她一輪嘴讀出對白,但咬字極不清晰,但又沒有甩嘴,令同場的朱敏瀚笑言只能聽到3句對白。李家鼎與汪明荃皆「投降」指不知怎樣評分,最終她只獲得3位評判給予合格。李家鼎笑說:「都唔知點畀分,真係冇佢符,佢又冇甩。不過,佢廣東話真係進步咗好多,選港姐嗰陣真係要搵翻譯!」