何雙妍公開求婚過程 一度懷疑嫁錯郎?

20210513
東網電視
更多新聞短片
亞姐何雙妍與范莎莎今日出席亞視舉辦的《ATV團戰自媒體課程》啟動禮,何雙妍將與拍拖4年的男朋友拉埋天窗,她透露原計劃下年初結婚,但因疫情關係而決定提早註冊,但否認是雙喜臨門,還即場跳了一下證明沒有懷孕:「依家籌備婚禮中,要等家人擇日子,又可能會置業。」問到求婚經過,她形容是一個失望的求婚,甚至令她一度懷疑應否下嫁對方:「因為我哋一早講好咗28歲結婚,我下年就28歲,咁今年應該要籌備婚禮,但佢遲遲唔開口求婚,我怕佢買錯鑽戒款,我同佢講我鍾意心形鑽戒,後來我再同佢講都係想要圓形鑽戒,點知佢話佢已經訂咗心形,我話點解你要話我知,令我冇晒驚喜。」她自認是心急型,但男友卻慢條斯理,最後要她主動開口叫對方跟她求婚:「佢買咗戒指1個月仲唔開口,我有晚忍唔住叫佢攞屋企紮乾花同我求婚。不過最後係好感動,佢有跪地,而且回憶起兩個人經歷嘅起起跌跌。」
講到工作,她希望向拍劇及電影方面發展,問到會否擔心結婚影響事業發展,她稱不擔心:「雖然我今年27歲,年紀唔細,但正好補到演藝界年齡斷層,因為好多藝人都係20頭,反而好似我咁成熟少少就冇乜。(婚後唔生小朋友住?)唔會生住,想追多幾年夢先。」又指男友亦很支持她在演藝圈發展。
另外,范莎莎透露之前有參加過其他平台的網紅培訓班,發現做網紅並不容易,要付出很多時間與心機:「我都拍過1、2條片放上網,又做過1次直播,都幾好玩,我本身諗咗個題目同大家講,但最後同啲網友好好傾,連之前諗定嘅目標都冇機會講。我都想向主持方面發展,亦想喺唔同平台上發展。(有冇試過喺網上被騷擾?)我個人冇,我睇到其他人有,會有啲唔好聽嘅說話或者攻擊,話你唔靚,我覺得要訓練自己個心態,實有人鍾意你、有人唔鍾意你。」