魏浚笙唔敢參加《全民造星》:侮辱咗個比賽

20210513
東網電視
更多新聞短片
魏浚笙就嚟大學畢業喇!
藝人魏浚笙(Jeffrey)出席一間飲品店開幕,引來一批粉絲到場支持,快將大學畢業的他,表示正努力迎接畢業前最後一次考試,他説:「近排會減少工作,最後一年想認真準備。(讀完書後有咩計劃,全身投入演藝界?)其實都好想,會上一啲演藝課程,同埋自己都好鍾意唱歌,所以如果有啲唱歌或演戲機會都好想去努力試吓。(有《全民造星IV》會唔會想參加?)佢哋真係太勁啦,如果我去參加覺得會侮辱咗成個比賽,哈哈!(冇呢個信心?)真係唔得,最近睇咗MIRROR演唱會,真係好勁,直情覺得係香港之光,覺得香港有個男團咁厲害好犀利,好欣賞。」
問到最喜愛Mirror中哪位成員?Jeffrey説:「我有啲私心鍾意Edan,因為同佢拍《膠戰》,佢係一個好好嘅哥哥。(喺佢身上學到好多嘢?)係呀,佢係港大畢業,鋼琴8級,同埋有好多樂器佢都會識,同埋佢好有急才,唔做呢行嘥晒。(學佢搵樂器學吓?)我都想呀,近來喺網上睇片自學結他,因為自己鍾意唱歌,希望可以自彈自唱。」