疑似激咀照流出 何猷亨前度陳可欣:已搵律師

2021年05月13日 21:15
東網電視
更多新聞短片
賭王四房兒子何猷亨的前度、下嫁哈佛鋼琴神童的社交界名媛陳可欣(Sabrina),樣靚學歷高兼出身富裕,畢業後從事金融界,並與前港姐冠軍麥明詩是劍橋大學同學,而她跟港姐們似乎特別投契,好像應屆亞軍陳楨怡、黃婉恩和伍樂怡等都是她的閨蜜。近日網上爆出一批聲稱是Sabrina與一名四眼男激咀照,引起社交界哄動。
該批激咀照被指是在中環一間私人雪茄吧內拍得,照片共4張,分別從兩個角度拍攝,疑似Sabrina的女子與四眼男坐在米字圖案長梳化上,嘴對嘴親熱,她一手攬實四眼男,而男方身上的白恤衫全打開,由於吧內仍有其他客人,故他們的行為相當大膽。
何猷亨為舊愛護航
對於網上流出的照片,Sabrina接受東網訪問時,對於被指是相中人,她未有否認,她說:「我唔回應。(你係已婚?)唔回應,搵咗律師處理,我唔係公眾人物,係普通人。」至於何猷亨也有為舊愛護航:「甚少聯絡,再見亦是朋友。希望呢件事盡快完結,希望唔好影響到佢同佢先生嘅關係。」
至於與Sabrina認識的林作也留意到這批相片,表示震撼:「佢應該唔係咁嘅,佢係良家婦女,高學歷,咁高質無諗過咁瘋狂,(佢出身富裕?)至少有我咁有米。」至於麥明詩則回覆:「其他人嘅私人事我唔回應了。」而伍樂怡受訪時態度避忌:「唔回應喇!知道佢已經交咗畀律師處理。」據知,Sabrina向友人透露,照片是婚前被拍的,故沒有背叛丈夫。