曾淑雅同「四眼妹」講拜拜：做手術時真心緊張！

索女曾淑雅（Jumbo）原來係「四眼妹」，800度大近視伴隨佢多年，平時出席活動或做運動都係戴Con，所以佢近視呢樣嘢唔係太多人知。不過佢近日做咗個決定，就係同眼鏡講拜拜，佢留言：「以後就要同呢個四眼look講拜拜啦！今年，做咗一個人生大決定，就係要同800度大近視、陪伴了我20年的眼鏡講再見！」

然而矯視手術已經完成，Jumbo講番今次手術，佢都話：「對於未做過眼仔手術嘅我，真心都非常緊張，究竟感覺會係點呢？最後手術很順利！全程都係20分鐘！」唔少網民都話Jumbo做完矯視後，就可以更睇清呢個世界，希望佢影多啲靚相，晒佢嘅自然美！