天生契哥命 馬浚偉:佢哋唔會當我係男友!

2021年05月14日 13:00
東網電視
更多新聞短片
「我唔覺得自己係正義ABC或者LMNOPQ。」七步成詩的曹植,韋小寶的好朋友康熙,演盡多少歷史大人物的馬浚偉,1993年參加歌唱比賽奪得冠軍入行,在機緣巧合,又似是冥冥中注定下,獲無綫高層相中,由全職歌手踏上演員之路,憑著其獨特的書卷氣質及俊朗的古裝扮相,奠定了他日後不但成為無綫電視的當家小生,更有「收視福將」之稱,拍下不少口碑和收視俱佳的經典之作。
戲裡戲外皆形象正派的馬浚偉,由於角色大多都是正派人物,所以亦令他贏得「正義L」美譽,不過他卻表示自己曾經參演過一部內地劇集,飾演反派,拍攝過程令他感到相當「過癮」,他坦言「有冇人搵我做殺人犯,或者搵我去做大反派?真係冇!其實如果有好嘅角色,我會做!」直言只要劇本合適,他亦不介意再挑戰反面角色。
不過講到現實中他的「壞」,他就耍手擰頭,笑言「我真係諗唔到例子,我最壞可能係唔開心嘅時候飲酒,可能曾經食過煙。」經常散發出濃濃正能量的他,雖然曾經歷過喪母後患上抑鬱及驚恐症的低潮,但走出低谷後,亦啟發了他的正面思考「你唔好迫人今日唔開心完,聽日就叫人唔好唔開心。」他鼓勵身邊人勇敢地面對負面情緒,但切勿沉溺當中,一定要走出來。
現時集歌手、演員、導演、編劇、製作人、老闆、電台主持、無綫藝員訓練班校長等身份於一身的他,相信其中一樣最令人佩服的就是他的時間分配,而且他笑言自己在百忙之中依然睡眠充足,並道出自己的生活哲理「我將每一日都當最後一日咁過」,他並叮囑大家「千祈唔好畀自己籍口話不如聽日先做。」
提到在圈中人緣甚廣,出名多「花旦契妹」,馬浚偉笑言可能自己是「天生契哥命」,經常給人「大哥哥」的感覺,所以大家都「有咩事認咗契哥安全啲」,不過講到關係最CLOSE的3位,他直認是鍾嘉欣、陳法拉和楊茜堯,因為3人都和他合作過多部劇集,他又坦言最放心不下的是鍾嘉欣,因為她性格容易被人「蝦」,至於其餘兩位,他又會選邊一個做女友,邊一個做老婆呢?想知就即刻睇片啦!
場地提供:馬哥孛羅香港酒店