對MIRROR有另一番見解！朱庭萱：呢啲樣旺角大把

人氣男團MIRROR近日剛完成演唱會，又唱又跳又除埋衫，更獲大批藝人好友前往捧場，「鏡熱」未散。近日唔少網民都對MIRROR議論紛紛，藝人黃宗澤舊愛朱庭萱（Bonnie）就對佢哋有另一番見解，佢喺社交網留言：「近日呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係！成班井底蛙。」

之後佢又留言稱唔想幫對方宣傳，亦唔使幫佢自己宣傳：「我話呢啲樣（指MIRROR成員）旺角大把，都冇話過佢哋醜樣啦！但我真係覺得王一搏靚仔好多呀嘛～又識唱又識跳仲識排舞、編曲。叫佢哋走出去個井睇吓呢個世界有幾多靚仔、有才華都係錯？?」

Bonnie一席言論即被激烈嘅「鏡粉」留言反駁，Bonnie之後再發長文：「總之完全不容許說鏡粉一句不中聽的話！」火藥味十足。