「鐵馬家族」合體開P！唐詩詠讚「大嫂」陳凱琳一定幫到你

無綫劇《鐵馬尋橋》成就鄭嘉穎、馬國明、唐詩詠、林子善、黃嘉樂成為好友，佢哋仲Friend到變成「鐵馬家族」，情同兄弟姊妹！為補祝詩詠同子善生日，「鐵馬家族」就拉大隊去嘉穎屋企搞生日P，齊齊切蛋糕，幾咁熱鬧，不過相中就唔見「二哥」馬國明出現。

詩詠仲將開P嘅相Post上社交網，並留言：「已經第三年一起過，感恩沿途有你們，尋晚結論係，有事記住搵大嫂，一定幫到你！」原來「大嫂」陳凱琳悉心為佢哋安排今次派對，唔少網民都讚佢愛屋及烏，非常賢淑！