抱仔積勞成疾！張栢芝自爆左邊身變歪

女星張栢芝繼《乘風破浪的姐姐2》後，近日又喺另一內地綜藝節目《讓生活好看》第二季亮相！新一集佢更同張馨予一齊去遊樂園玩到癲，大玩過山車，童心未泯呀！

節目嘅加長版中，栢芝繼上次大晒上海豪宅間房以《魔雪奇緣》主題做布置後，佢又大談房間仲有一樣必備嘅嘢，就係做完運動後，用嚟放鬆肌肉嘅按摩滾筒。佢話平時卸完妝嘅時候，就會將按摩滾筒放喺枕頭下方，然後瞓喺上面：「其實這東西（凹凸不平的位置），很自然地把我的脖子壓到，整個人都鬆起來，然後入睡的時候更舒服。我的小兒子，必要我抱他，其實我左邊常常都是歪的，很疼的，怎麼找按摩、怎麼去拉筋瑜伽，我都覺得睡覺的時候睡不了，就很難受，所以沒有按摩滾筒，我就沒辦法睡覺。」