與文青女友拍拖5年！Jer＠MIRROR有才華仲好長情

男子組合MIRROR爆紅，12位成員各具才華獨當一面。成員柳應廷（Jer）擅長唱歌、低音電結他及結他，亦被認定是唱得之人。早前在叱咤頒獎禮上先拔頭籌奪得「叱咤樂壇生力軍」金獎。

感情方面他亦大方承認與拍拖5年的女友Kelly感情穩定，其社交網亦上載不少二人旅行時的合照，相當恩愛。2018年初出道時，他更公開感謝女友對他的付出，發表愛的宣言：「玩咗比賽咁耐，其實有一個人好想多謝！佢喺背後其實撐咗我好耐。呢段時間，辛苦你喇，我嘅首席頭號小粉絲。」羨然旁人。

女友Kelly走文青路線，社交網不乏藝術氣質的相片，反映出其獨立個性。Jer透露曾有兩次戀愛經驗，中學初戀只維持了10個月便告吹。直到入行前在一次學校表演邂逅了現任女友，大讚她「有性格、有氣質，係我鍾意嘅類型」。結果一拍便拍足5年，感情有增無減。早前開演唱會，女友更拎埋燈牌到場撐男友，so sweet！