【勁大膽】古天樂信有外星人：見到我一定舉機拍下！

影帝古天樂百足咁多爪，又拍戲又做老闆，係圈中超級大忙人，好多「古粉」都問過佢點分配時間。雖然忙，不過都冇影響佢對呢個世界，甚至整個宇宙嘅好奇，佢就喺社交網大談一個大家都好想知嘅話題，到底有冇外星人，佢留言：「最近留意到在南美國家玻利維亞出現外星人事件，據報道有群眾同時目擊UFO及有外星人出現，可惜人們都陷入驚慌之中，結果就沒有人成功拍下照片，否則會成為近代一次很重要的目擊事件了。」

咁如果係古仔親身目擊外星人，佢會點做？佢就話：「如果你問我是否相信這事，我是會比較傾向相信的，也許大家覺得在沒有照片的情況下，對可信程度存有懷疑，不過在極度震驚之下，沒有舉起手機拍照也是很正常，不過，如果有一天外星人真的出現在我眼前，我相信除非感到危險，否則我無論如何也拍下照片的！」唔少網民都話佢求知欲極強，仲要非常大膽，有人提議古仔組團去美國Area 51（傳有外星人出沒的地方），就一定報名一齊去！