探仔女時間表曝光!鄭爽要接受半年情緒治療

20210515
東網電視
更多新聞短片
內地女星鄭爽同張恒爭撫養權,最後張恒獲法院判獲得子女撫養獨立決定權,鄭爽則被法院狀態「情緒不穩、令人不安」,原來法院更要求佢必需接受半年專業治療,學習如何做一個可以同孩子相處嘅媽媽。
鄭爽目前只獲得短暫嘅撫養時間,每周一、三、五上午10點半到12點照顧小孩,之後再視情況拉長時間,地點必須喺張恒科羅拉多州屋企,如果要喺其他地方見面,就需先得到當事人同意。
判決書同時又提到鄭爽情緒狀況唔穩定,表現出嚟嘅模樣令人不安,因此要求佢接受6個月專業治療,除幫助情緒穩定外,亦同時培養佢為人父母嘅應對技巧。當中又提到佢先前為爭撫養權,曾擬定育兒計劃交畀法院,但因為冇規劃小孩午休時間,最後遭駁回。
另外,鄭爽同時捲入「陰陽合同」風波,近日浙江廣電局方面就發出最新聲明,加強看管片酬合法合規,將建立「一劇一承諾」制度,對已經備案要準備拍攝嘅劇集,製作方主要負責人需作出書面承諾。另外,浙江推出嘅所有電視劇,均需喺開播前對演員片酬作進一步審查,一系列措施即獲國家廣電總局支持。