東方日報C1:台灣爆疫!余思霆疫區快閃 邵珮詩接令停工

20210516
東網電視
更多新聞短片
台灣疫情近日大爆發,人人自危,正在當地工作的藝人余思霆與邵珮詩身陷險境,前者搵命博直闖疫區採訪;邵珮詩則被勒令停工,乖乖留在家中!
新冠肺炎疫情在香港逐漸受控,鄰近的台灣近日卻轉趨惡化,單日本地感染個案已達3位數字,當中台北市、新北市提升至第3級警戒,全台娛樂場所關閉。身在台北的余思霆卻勇字當頭,奉命到疫區進行直擊採訪;為無綫在當地拍綜藝節目的邵珮詩,則受疫情影響暫停拍攝。
已在當地逗留多個月的思霆,既拍攝無綫綜藝節目,近日亦埋首拍攝一套合拍劇集,原定暑假返港,近日更在社交網留言倒數回歸,無奈當地第二波疫情突襲,令歸期存有變數。前日適逢休息日,雖然當地疫情嚴峻,但思霆當天早上接獲公司通知後,即聯同攝製隊勇闖被視為疫區的萬華區茶藝街,為同晚播出的《東張西望》進行直擊。
時刻消毒戴口罩
思霆昨日接受本報訪問時,坦言前往疫區沒有過分憂心,但到場後見人流稀疏,感覺有點恐怖:「個氣氛好靜,所以我哋用最快嘅速度拍完即刻走。(有冇加強防疫?)我本身都好注重防疫,拍攝前後都會噴消毒酒精,全程口罩不離身。」問到劇集的拍攝進度可有受影響?她說:「暫時未收到通知會停,不過呢兩日咁啱放假,所以要等劇組安排。」而朱敏瀚對於女友思霆闖疫區亦不太擔心:「佢好乖嘅,去到邊都戴口罩同消毒,物資方面充裕過我添!原本進度順利應該7月返,同埋返嚟唔使隔離好耐,依家就未知點,希望嗰邊疫情快啲穩定啦!」
自封「隔離達人」
至於正在當地為無綫拍攝綜藝節目的邵珮詩,受訪時表示已接獲通知暫時停工:「短短3日就變成咁,我哋都暫時停拍咗先,好多場地唔借出嚟拍,工作人員亦變咗居家工作。市民就開始搶防疫物資,但目前我係充足嘅,所以盡量留喺屋企,做吓運動同研發吓甜品打發時間。」而她昨晚更新社交網,自言是「隔離達人」,可以與網民分享居家隔離的經驗,又不忘宣傳節目《跟住去旅行》:「雖然台灣這幾天真的讓我們很擔心,但有個好消息,很想來看台灣的朋友,我的新節目播出了!」
更多新聞,請瀏覽東方日報網頁: