簡淑兒晒巨肚嚇親網民　蕭正楠問邊個係「經手人」

「仙氣女神」簡淑兒向來愛做gym同運動，操得一副fit爆身材，特別係腹肌，令唔少女仔羨慕，但呢日佢喺社交平台上載咗條片，令到大家忍唔住驚呼，女神竟然崩壞了？！見到佢keep住招牌靚樣同腰果眼，但身穿短身Tee嘅佢竟然露出個大肚腩，仲要不停拍個大肚腩，又留言：「最近食多咗添。」嚇親大家！

不過望真啲個肚，加上佢特登hashtag節目《SUPER FIVE》，明顯只係節目效果，貪玩嘅佢只係喺度整蠱大家，大家可以放心啦！一眾圈中好友同網友都畀佢氹到哈哈大笑，其中蕭正楠抵死留言笑佢似「有咗」：「邊個架（㗎）？」