同馬國明鴛鴦戲水？湯洛雯嬲豬：點解啲人話你污糟

早前踏入34歲嘅湯洛雯（靚湯）同男友馬國明到酒店Staycation慶祝玩到癲，壽星女仲大晒比堅尼浸浴照，而馬國明雖然冇上載兩人照片，但就好Sweet咁晒出佢哋嘅定情物獨角獸及小馬公仔相！而今日靚湯就再晒出「濕身照」，睇背景同佢張出浴相係一樣嘅，相中佢哋都毛髮亂晒……唔好諗錯隔籬，講緊兩隻公仔啫！

靚湯扮「兩隻嘢」留言：「?：點解啲人話你污糟，搞到我都要陪你洗白白??：.......」雖然佢用咗嬲嬲豬Emoji，不過都感覺到其實好甜囉！唔少網民都問係咪同馬國明鴛鴦戲水時影：「係咪一齊洗白白先？」