楊洛婷佗巨肚開P慶生　老公操刀影性感寫真

藝人楊洛婷（Rabeea）今日40歲生日，繼日前周家蔚、曹敏莉等好姊妹輪住同佢預祝生日，今次就輪到老公、樂隊Dear Jane主音黃天翱（Tim）為佢大搞生日派對，更邀請大班親朋好友前來盡興一番，見正佗B嘅「壽星女」着上貼身金色裙，配合埋「40」字樣嘅金色造型氣球，襯到絕Sharp爆全場，切蛋糕時Tim更笑到見牙唔見眼，而Rabeea亦特意托住巨肚，紀念懷孕嘅特別時刻。Rabeea留言表示自己心態仍然留在21歲，又大爆老公賣口乖，讚佢外表睇落似30歲。

此外，Tim亦趁日前Staycation期間，親自操刀為太太拍攝大肚寫真相，見Rabeea透視裝上陣，相當性感。