慘遭強姦！林熹瞳法庭喊戲大爆發　1Take收貨

藝人林熹瞳在《逆天奇案》中表現出色，其中在法庭被公開曾遭強姦時演技大爆發，失控狂喊，獲網民激讚。熹瞳坦言第1日見監製及導演時，他們已預告角色情緒變化大，難度不少，她說：「我睇劇本有9成時間都係喊，要研究點表達出每次喊嘅唔同動機及層次，我有對鏡練習，導演要求都好高，佢講明呢場要啲眼淚喺眼框、呢場只要一滴淚、呢場要好歇斯底里。」在眾多場喊戲中，她認為最有壓力是法庭戲：「之前幾場都係對住黃嘉樂一個人喊，但法庭戲有好多人，怕阻住大家收工，又有好多前輩，大家睇住好有壓力，好在拍咗2次搞掂，其實拍第1次導演已收貨，我想演到唔同層次，所以要求再拍多次，電視播出來係將2次混合剪接，見到出街個效果自己都收貨，做到自己對自己嘅要求。」

她稱要演繹好悲情戲，最重要是熟讀劇本、集中精神以及不可以令自己太興奮，否則很難入戲，她笑言：「因為我有9成喊戲，記得有日唔使喊，我即時話正，終於唔使花住個妝走，難得有日輕輕鬆鬆。」