《愛回家》重演林鍾大戰！林作急搵無綫編劇做乜？

處境劇《愛‧回家之開心速遞》題材「貼地」深受網民喜愛，繼早前劇中「蔥頭」一角疑影射ViuTV人氣王姜濤後，尋晚播出一集「佐治的擂台」，更疑似重演林作與「富三代」鍾培生嘅「林鍾大戰」！劇情講到由鄒兆霆飾演嘅有錢仔「賈明昇」，因不滿「George」張明偉指佢抄橋，繼而發起擂台大戰，而2人於記者會上互寸一幕，亦似足林作與鍾培生嘅口水戰。其實以往「George」一角就已被指參考林作，今次上演擂台戰，不但獲網民大讚應景外，就連「本尊」林作亦有留意，更笑言：「緊急致《愛‧回家》編劇及導演，請聯絡我商討如何拍到下集扮林作嘅George KO對手。不排除幕後贊助。」

另外，鍾培生日前於社交網透露，與林作一戰開放給其頻道會員優先，票價更由最平1,280元至高達28,800元，令網友大感驚訝指價錢較MIRROR演唱會更高，而林作對此則表示：「冇計，香港依家兩個人最紅。一個係姜濤，另一個係林作。」