湯洛雯冇諗過馬國明會求婚 原因係…

2021年05月16日 22:19
東網電視
更多新聞短片
新劇《一笑渡凡間》一眾演員蕭正楠(阿蕭)、湯洛雯(靚湯)、江欣燕(欣欣)、簡淑兒、蔣家旻等擔任直播節目《開心大綜藝》嘉賓,與馮盈盈、陸浩明、C君等一班主持先後比併唸急口令及吟詩,當中以阿蕭隊伍表現略為突出,沒料他代表發表感受時卻取笑拍檔靚湯,指拍攝該劇撮合了她與馬國明成為戀人,主持森美即追問靚湯結婚傳聞,靚湯即撒嬌說:「關你咩事啫!」之後便不斷喪笑。及後於對聯比併環節,欣欣卻語出驚人,竟對住陸浩明說:「我覺得你陽痿。」頓時令他語塞,無力招架敗走。
靚湯被「點穴」
而《一》劇演員演出短劇時,靚湯繼續成為被玩對象,皆因被欣欣拿起時間暫停器向她「點穴」,若然她稍為郁動便輸,故欣欣自然為所欲為,起初成盆冰倒入靚湯的足浴盆內,又拿起冰塊放到其粉臉上抹,並追問靚湯知不知馬國明的敏感部位,靚湯已忍不住左閃右避,欣欣再借勢把冰塊放入靚湯衣服內,搞到靚湯忍不住起身跑走躲避,場面爆笑。
阿蕭與靚湯在節目前受訪,被到可擔心會在現場「爆肚」?靚湯說:「我驚會爆粗。」阿蕭說:「因為遊戲玩對聯,好多都係4、5個字,都驚現場講咗收唔番。」
講到靚湯早前生日與男友馬國明到酒店Staycation浪漫慶生,更以性感泳衣歎Spa,她說:「嗰件其實唔係三點式,只係一件頭泳衣嚟。」阿蕭說:「咁你真係好性感喎,我都以為係三點式,真係天生麗質。」
唔鍾意Surprise
靚湯指與馬國明第一次去Staycation,玩得相當開心,問到男友可有在浪漫時刻趁機求婚?她說:「真係冇,從來冇一刻諗過佢會求婚,因為我哋兩個都唔係鍾意驚喜嘅人,好多嘢我哋都會預先同對方講,就算我鍾意食咩口味嘅蛋糕,我都會直接同佢講,哈哈。」
講到靚湯為男友的情侶公仔洗白白,阿蕭說:「係囉,點解咁污糟嘅,係咪睹物思人,真係唔知做咗啲乜喎,你知啦,佢喺上面(內地)咁耐。」靚湯說:「我都唔知呀,可能多塵啩。」