翻撻伍富橋?林穎彤咁樣講…

2021年05月16日 23:52
東網電視
更多新聞短片
林穎彤否認翻撻伍富橋。
藝人林穎彤以學生妹Look現身無綫節目《開心大綜藝》,為環節「我要上台慶」表演跳大媽舞,她說:「今晚個造型有啲爆,仲會跳大媽舞,不過,好彩幾容易跳,只係排咗1日,好簡單。」
林穎彤最近傳與「前度」伍富橋翻撻,對方更車出車入,她說:「唔係、都要澄清吓,我哋冇復合,亦都冇聯絡,連家姐都打嚟問我。其實啲相係一個月前拍緊新版《十月初五的月光》嘅時候影,因為飾演情侶好多時同場,所以先坐佢車出發,先引起呢個誤會。(地下情?)唔會。(係咪有人追急於澄清?)唔係,只係唔想嚇親屋企人,同埋佢都要追女仔㗎,哈哈。」