債務還晒未？憔悴李亞鵬落寞獨坐北京街頭

天后王菲前夫李亞鵬早前因合約糾紛被追討5千萬人民幣（港幣約5971萬），當時傳媒向其女友海哈金喜查詢時，佢就斬釘截鐵叫人唔使問佢，即被網友猜測二人感情疑似有變。尋日有網友發文，透露喺北京三里屯偶遇李亞鵬。

網友稱佢身穿藍白色運動外套、戴鴨舌帽，打扮年輕，不過眼袋明顯、嘴角下垂，望落仲鬼咁心事重重，略顯憔悴。而李亞鵬由頭到尾都係自己一個人獨坐，身邊唔見有人陪伴，連每次出現都一定陪喺佢身邊嘅海哈金喜都冇影。未有戴墨鏡嘅佢又冇戴口罩，直接坐喺餐廳外邊嘅露天座位，一直低頭撳電話，背影落寞。