林盛斌驚嚇露乳頭　網友鬧教壞細路

夏日晒性感照派福利從來都唔係女星嘅專利，呢日藝人林盛斌（Bob）突然於社交網大晒露點照，即時引起網民熱議。相中見佢拉高上衣露出單邊乳頭，佢更留言表示：「今日真係好好天，畀你睇吓我粒Lin，精神呀喂！」不過呢張「福利圖」並唔係個個受落，唔少圈中人大感驚訝，其中蕭正楠表示：「搞乜Lin？匪夷所思...」陳煒更直指：「有咩過人之處？」亦有網友大彈佢咁樣有教壞細路之嫌。但都有唔少「知音人」識欣賞，好似張振朗就大讚：「幾乾淨，色澤仲幾光亮。」袁偉豪則笑指其乳頭大小好比5元硬幣：「伍紋蓮Hello！」