去年丁父憂今年媽媽入院　尹蓁晞谷到抑鬱

藝人尹蓁晞（Yumi）今日出席餐廳試食活動，近期密密運動，希望以最弗狀態重返幕前及再出寫真的她，目標體重已達標，被問到美食當前會否忍口以免前功盡廢，她説：「唔怕嘅，食完再做運動囉！我好鍾意食雞翼，但我唔食雞皮嘅，食炸嘅嘢會搣晒面嘅炸皮，所以唔怕熱氣兼食極都唔肥，另外出去應酬有時會飲吓酒，至緊要唔好溝太多果汁，因為會唔覺唔覺飲咗好多果糖。」

提到瘦身，她指情緒狀況亦會影響體重，近來身邊發生的事嚴重影響心情，導致食欲大減，她説：「疫情令工作同收入少咗，加上上年爸爸去世，同埋上個月媽咪突然入咗醫院，媽咪係唯一嘅親人，嗰刻令到我好擔心，同埋有少少抑鬱囉。（媽咪依家情況點？）依家好返出咗院啦。」不過她表示好在有身邊朋友支持住，約她出來食飯飲酒見面。

工作方面，她説會參加一個以奧運作主題的直播，會嘗試挑戰奧運比賽項目，她説：「以前讀書有玩跨欄。（到時直播你跨欄？）都得嘅，不過想試吓舉重，健身試過舉30幾公斤，加上平時做開家務，自己落街買餸練到手臂好大力。」