男人頭唔可以綠　陳偉霆搞乜突然「冇晒頭髮」？

型男陳偉霆愛變髮，就嚟試晒彩虹七色嘅佢，早前就透露希望染螢光綠頭一圓心裏夢，嚇到網友都留言係咁勸阻佢，不過似乎依家情況有變，今日佢現身汕頭為陳嘉上執導電影《暴風》開機，一直唔肯除帽嘅佢，終於畀Skin Head見人，原來係配合導演要求剃頭。

粉絲見佢「冇晒頭髮」即時安心晒，不過佢嘅驚喜仲未完，轉頭佢就喺社交網上載自己同兩個Friend半裸上身曬太陽嘅相，見佢腿張開咁瞓地接受陽光洗禮，身邊仲有支太陽油，唔怪得佢喺活動上話依家皮膚黝黑都係角色需要，夠晒敬業。