Twins合體賀出道20周年！阿嬌突然變番面尖尖

今日（18日）係Twins出道20周年，兩人推出新歌《小小女人》慶祝，已經喺內地嘅鍾欣潼（阿嬌）一早喺酒店等候剛剛完成14日隔離嘅蔡卓妍（阿Sa），兩人一見面就嚟個擁抱，阿嬌接過阿Sa畀嘅花束，然後佢帶阿Sa遊覽全屋，見到成間房都係包裹，原來貼心嘅阿嬌一早已經準備好晒食物同日常用品，之後仲見到關智斌（Kenny）驚喜現身，見到成班朋友嘅阿Sa開心到飛起，喺屋入面跳嚟跳去，不停咁「哇……哇……哇……」。不過最勁嘅係被指暴肥嘅阿嬌，突然又變番面尖尖。

阿Sa喺社交網寫到：「完成14天的隔離就見到我的小嬌嬌，一打開門看到滿屋的快遞也不及看到你藏在門後的那種驚喜和開心！在今天這個特殊的日子裏我們準備了驚喜要送給大家，你們都收到了嗎。下一個20年我們依舊相互陪伴。我記得我們說過60歲還要一起打側手翻。」

另外，新歌《小小女人》MV以粉紫系色調呈現，呼應「小小女人」主題，MV中每一個虛擬場景元素的鋪設，包含Twins出道以來的經典歌曲，包括《女校男生》、《愛情當入樽》、《丟架》、《下一站天后》、《士多啤梨蘋果橙》及《星光遊樂園》等。

鏡頭在過山車、摩天輪中穿梭變幻，從一個場景切換到另一個場景，就將歌中最後表達，阿Sa和阿嬌攜手走過20年光陰，姐妹情誼從未改變，走過的每一段路，經歷過的每一個旅程，都有彼此的身影，也是MV想要表達的另外一層含義，無論旅途多遙遠，感謝有你在身邊。