周潤發66歲生日　李司棋代行山團送大禮

影帝周潤發今日66歲生日，繼昨日黃日華女兒黃芷晴預先為佢預祝後，今日正日再有美女相伴，由好友兼行山團團員李司棋親自送上生日禮物。李司棋於社交網大晒合照，見現場貼上數字「66」造型氣球，而該生日禮物原來係一張精心設計嘅生日卡，將所有行山團成員卡通化，非常有心思，李司棋仲透露原來係由苗僑偉老婆戚美珍準備：「發哥生日快樂！生日卡by三嫂（戚美珍）」唔少網友都大讚有創意。