倪辰大晒34C巨胸　節食減肥差啲暈！

歌手倪辰（Lala）宣布7月23日在九展開騷後，積極備戰，今日就到健身室做gym，穿小背心大晒34C上圍，充滿戰鬥格！但她對做健身毫無認識，左右都分不清，顯得雞手鴨腳，要經教練指點糾正，她說：「我係健身新手，平日喺屋企只會做吓瑜伽動作，健身室只係去過1、2次。為準備演唱會要做番啲運動，又要練歌同學跳舞，搵幫鄭欣宜同陳柏宇排舞嘅排舞師教我，仲有2個月，要加緊練習。」她透露演唱會造型將會行性感，會騷胸、騷腿及騷腰！她又透露為了減肥，她已進行節食，1日只吃2餐，不吃澱粉質，目標要2個月內減2吋腰圍，但因節食過急，令她差點暈倒。

Lala透露已邀李璧琦做嘉賓，自言好欣賞對方，兩人會合唱高難度的歌，令她感到壓力。對於疫情下開騷，Lala坦言不會擔心太多。