「口罩小姐」陳紫芊轉軚鍾意港男:講笑都識聽

2021年05月18日 23:12
東網電視
更多新聞短片
電台節目《Girls傾》由一班新人及KOL包括陳詩晴、何天嵐、陳麗柔、林佩琪及陳紫芊等擔任主持。陳紫芊曾參加《最後一屆口罩小姐選舉》,她稱雖然未能進入決賽,但節目播出後多了人認識自己:「特別係我戴口罩個樣,同朋友行街有時會畀人指指點點,搞到好唔自在,依家去到餐廳我第一時間會除罩。」她自爆讀書時期曾經同過日本男生拍拖,因為覺得日本人的衣着有品味,又似日劇男主角,所以當年非常迷戀日本男,不過現時她會選擇同聲同氣的香港人,笑言起碼自己講笑話,對方都聽得明。
身為模特兒兼KOL的陳麗柔就笑言「放眼未來」為事業打拚:「依家我會教人做瑜伽,唔止女學生,男仔都會報我啲堂,雖然開頭真係純粹嚟支持吓我,但後來佢哋真係愛上瑜伽!最經典就試過有女仔嚟上堂,跟住同我講佢男友好鍾意睇我啲片,專登嚟睇吓我真人,所以真係咩人都會有。」而她早前參與ViuTV綜藝節目拍攝,跟193合作過,但不算太熟,亦力撐對方言論:「其實佢都係講出後生仔心聲,而且言論非常勇敢,個人好真,好欣賞佢!」