當年片酬曝光　劉亦菲做「小龍女」得4位數一集？

當年憑《神鵰俠侶》小龍女成功上位嘅劉亦菲，仙氣盡現一直被稱為「神仙姐姐」，不過原來有苦自己知，有自稱追隨佢多年嘅粉絲，近日就爆料指女神當年接拍呢套劇時，全部片酬加埋唔到30萬人民幣（約36萬港幣），計番每集片酬只係8,000人民幣（約9,526港幣）左右，同佢依家打入荷里活市場嘅片酬相距甚遠。

對於劉亦菲的片酬，雖然冇正式公開過，不過《神》製片人張紀中當時飾演耶律楚才一角，兩集戲份佢都只係收咗2萬人民幣（約23,835港幣）片酬，而且原本小龍女一角屬意搵台灣女星林依晨，不過對方嫌片酬低而推咗。

早前劉亦菲晒出做針灸嘅相，嗰時已經有粉絲話佢嘅傷係拍《神鵰俠侶》時留下，因為小龍女嘅假髮頭套長達1米60，重達6、7斤（近8磅），仲成日令佢絆倒，搞到佢患上終身頸椎病。