胡定欣去陳豪咖啡店「學師」：終於搵到自己喜好！

視后胡定欣喺內地拍完新劇《白色強人II》返港後，除咗勤力做Gym同瑜伽外，原來佢近日仲愛上整手沖咖啡，佢仲去到好友陳豪咖啡店，跟咖啡師學藝，點知一試難忘。雖然佢去參觀嗰日，陳豪唔喺度，但佢都話學到好多嘢。

佢喺社交網留言：「一直都有飲咖啡，但沒有好好了解咖啡......直到之前隔離日子開始嘗試手沖咖啡 ，當中試過不同的咖啡豆，又試到原來高分的咖啡比賽豆沖岀來的口感同味道可以咁鮮明，會令你想好好品嘗每一啖，留意當中的變化，我覺得好有趣，完全改變我對咖啡的想法！所以我覺得真係要再多了解咖啡豆同咖啡，至少知道自己飲緊咩咖啡，同喜歡的口感和味道！每個人都可以沖岀自己Character的咖啡，真係好好玩！希望我都搵到自己的喜好！」唔少網民話都想睇佢陳豪拍一套講咖啡嘅劇，大家一定喜歡。