女婿安Edan向森美「過大禮」　「正印」小儀發火

MIRROR早前舉行演唱會，引來不少圈中人撐場，其中森美更以「外父」身份代阿女到場支持Edan（呂爵安），仲幫對方改埋做「女婿安」，鬼咁搞笑！佢喺社交網上載咗份禮物，原來係Edan應援團送畀佢嘅，仲話會交畀愛Edan嘅少女：「多謝『女婿安』應援團嘅爵屎，多謝佢哋送畀我嘅禮物，我會將佢交畀，最應該得到佢嘅人，愛Edan嘅少女！」而Edan都好識講嘢：「多謝外父！」

有網民笑言：「你外父個女畀你冧到暈????」、「過大禮」，又問Edan有冇問過「正印」小儀，而小儀就忍唔住出聲兇「老公」：「你小心講嘢！大聲話畀你外父知我係邊個！?」呢段關係真係好複雜呀！