跑贏姜濤入影壇!Anson Lo艷福無邊畀女神圍

20210519
東網電視
更多新聞短片
女星蘇皓兒(Chole)於新戲《假冒女團》(暫名)中,與Super Girls成員Heidi、《全民造星》李炘頤(Alina)及新人陳紫萱等組成女團吸粉絲。日前台前幕後於西環開工,幾位靚女今次不單要載歌載舞,還有動作場面一展身手。談到開工前訓練,Chole坦言想喊:「練到周身瘀傷,前後得幾日時間咋!」Heidi更向高難度挑戰:「佢哋希望我終極做到凌空打觔斗,我驚做完要Call白車!」她們甫開工已培養出真感情,Alina更提議去Staycation傾心事,而陳紫萱竟出鬼主意:「再打個邊爐仲好,千祈唔好畀監製Charlie知我哋為食就得喇!」
據悉,今次「女團」相當搞嘢,事關成員尚有男扮女裝的Anson Lo(盧瀚霆)!作為MIRROR首位接拍電影的成員,他相當落力,探班當日臉上更有血紅掌印,又與有份參演的譚耀文對着鏡頭、嗲聲嗲氣開Live賣藥材,「調經」及「壯陽」等字眼口若懸河,未見尷尬,而經理人花姐則全程傍實,可見他「分量」十足。
譚耀文讚「靚女」
當被問到較姜濤更早拍戲,Anson坦言:「應該話出道兩年,都冇乜機會開戲,所以今次要做到最好,珍惜機會。其實我第一日開工都緊張,好彩譚哥(譚耀文)好好,又肯教我嘢。」阿譚則說:「佢喺演唱會翌日就入組,當時佢好攰,但都堅持住,呢啲係紅嘅代價,我覺得佢表演好好,亦好有潛質,尤其見過佢嘅女裝,真係好『靚女』。」另外,談到今次與一眾女星合作艷福無邊,Anson笑說:「咁真係未試過同咁多女仔開工。(Chole話驚畀你哋粉絲鬧呀!)咁我都驚喎,話晒佢哋個個都係女神級呀!」